Bago pa man nag-break sina Luis Manzano at Angel Locsin ay nakapagbitaw na ng salita ang aktres na wala siyang binalikan na ex-boyfriend niya. Ayon kay Angel, alam daw kasi niyang ibinigay na niya ang lahat ng maibibigay niya para ma-save ang nasabing relasyon. At pag natapos ito, nangangahulugan lamang na dapat na niyang tanggapin na wala na talaga siyang magagawa para ayusin pa ang isang natuldukan nang relasyon.
Sa kaso nina Luis at Angel, mukhang malabo na talagang magkabalikan ang dalawa, lalo't ganito nga ang pananaw ng aktres pagdating sa pakikipagrelasyon.
Sinang-ayunan naman ito si Luis nang makausap siya ng PEP (Philippine Entertainment Portal).
"If you look at her track record, it's true naman na wala talaga siyang binalikan sa mga naging ex niya. But in life, in general, huwag tayong magsasalita ng tapos. Hindi ko siya pinaparinggan or anything, but, di ba, we never know what will happen?
"Basta ngayon, masasabi kong mas nag-mature kami, mas nag-mature kami on how we are as individuals. Let's say, hypothetically, nagkabalikan kami, we'd be totally different individuals in a good way," saad niya.
Ano naman ang reaksiyon niya sa sinabi noon ni Angel na nami-miss niya ang pinagsamahan nila, pero hindi si Luis mismo?
"Siguro nung nasabi niya yun, that was before yung mga naging usapan namin, when we decided to clarify kung anuman ang mga nangyari. Kahit ako, nami-miss ko kung ano kami dati at nami-miss ko siya at alam niya yun. Yun siguro what's behind her statement."
Pero inamin ni Luis sa PEP na bukas na uli ang komunikasyon nila ni Angel, at nakausap na rin niya ang ama ng aktres na si Mr. Angel Colmenares.
"We talked. Siguro we made the first step para maayos na namin kung anuman ang mayroon kami dati. Kung anuman ang mga naging isyu sa amin, medyo nabaon na namin. Siguro yun ang pinakaimportante dahil ang tagal naming hindi nakapag-usap, ang tagal naming hindi nagkita. Siguro ngayon, we have a steady phase na maayos kung nasaan kami ngayon. We're very, very happy.
"Nakapag-usap na rin kami ni Tito [Mr. Colmenares]. Nope, walang sumbatang nangyari, hindi ganun si Tito at hindi ko rin magagawa yun sa kanya. Tito is a very, very decent man. Nakapag-usap na kami and okey naman. Napakataas ng respeto ko kay Tito at sa buong pamilya ni Angel, at ganun din ang ipinakita sa akin ni Tito when we had a talk," lahad ni Luis.
NO THIRD PARTY. Tikom pa rin ang bibig nina Luis at Angel sa tunay na rason ng kanilang breakup. Pero lumabas ang mga pangalan nina Maricar Reyes at Anne Curtis, na nahuli raw ni Angel na ka-text ni Luis, na mukhang may ibang nangyayari. Naparatangan tuloy na babaero ang TV host-actor.
"Unang-una, kami ni Angel, never naming hinawakan ang phone ng isa't isa. Hindi kami ganung couple," paglilinaw ni Luis. "Si Maricar, first time na nakita ko siya at nakausap nang harap-harapan was the camera test ng Flash Bomba almost a year ago. Kasi siya dapat ang love team ko sa Flash Bomba.
"Next time ko na siyang nakausap was Star Magic Ball na itong huli [last August]. Would you imagine yung pagitan nun? You see kung gaano kalayo ang Flash Bomba sa Star Magic Ball? Kaya hindi ko alam kung saan nanggaling yung issue na 'yan. I won't deny that Maricar is a friend, yes, I got to talk her but nothing weird or special.
"Si Anne naman," patuloy ni Luis, "aminin man natin o hindi, matagal ko nang kilala si Anne kesa kay Angel. Marami na rin kaming pinagdaanan. 'Saka Anne, of all people, hindi na kinu-question kung gaano ko ka-best friend yung tao at nadamay pa sila sa issue namin ni Angel.
"Regarding that babaero issue, ang tagal ko nang naririnig 'yan. Sanay na ako. Dati pa namang issue sa akin 'yan, pero ang ayoko lang pag may nadadamay pang ibang tao na walang kinalaman. Diyan medyo napipikon ako kasi nanahimik yung mga tao na walang kaalam-alam."
ANGEL-JOHN LLOYD TEAMUP. Kumpirmado na ang pagtatambal nina Angel at John Lloyd Cruz sa isang teleserye ng ABS-CBN next year. Tinanong namin si Luis kung masasaktan ba siya kung sakaling malaman niya na sa pagsasama ng dalawa ay magkahulugan ng loob ang mga ito?
"I know they are both good people," sabi ni Luis. "Napakabait ni Angel. Hindi puwedeng kuwestyunin yun, alam ng buong bayan yun. At napakabait din ni Lloydie. If things are meant to happen, things are meant to happen. If not, hindi siya mangyayari.
"More of mawi-weirduhan siguro ako. Kasi, kumbaga, yung ex-girlfriend ko, tapos bigla na lang yung 'ex-love team' ko na si Lloydie na Kanto Boys. It's gonna be weird. Pero siguro kahit papaano, hindi mo matatanggal na ma-hurt ako pag nangyari yun. But of course, you have to understand things happen for a reason, the same way things don't happen for a reason."
"Ex-love team" ang turing ni Luis kay John Lloyd dahil sa pelikulang In My Life, kung saan gumanap sila bilang gay lovers.
FAMILY OF STARS AND POLITICIANS. Kumpirmado na ang pagtakbo ng ama ni Luis na si Edu Manzano bilang vice president sa 2010 elections. Si Edu ang ka-tandem ni Secretary Gilbert "Gibo" Teodoro, na tatakbo namang presidente, sa ilalim ng Lakas-Kampi-CMD party.
"Nagulat ako nung malaman ko na tatakbo siya," sabi ni Luis. "When everything happened, I was in Las Vegas. Hanggang sa umabot nga sa akin yung balita na tumakbo siya. Nung una, hindi pa ako naniwala. But I know what he is capable of doing. I know yung pagkatao niya, his integrity as a person, and his capability of helping other people if he's given a position in the government. I have faith in my dad whether for vice president, for senator, or kung ano pa man," pahayag ni Luis.
Ilang araw pagkatapos ianunsiyo ni Edu ang kanyang pagtakbo bilang vice president ay inamin nito ang breakup nila ng news broadcaster na si Pinky Webb. Ayaw namang magbigay ng komento tungkol dito si Luis, pero nandun ang hiling niya na maayos sana ng dalawa kung anuman ang gulo nila. (CLICK HERE to read related story.)
"Matagal-tagal na sila," sabi ni Luis. "Kung anuman ang naging problema, sana maayos nila 'cause I guess as a couple, they've been through a lot talaga. Hindi ko alam kung totoo na kaya sila nag-break is because of that, not until I heard from them. I don't want to speculate kasi medyo it's a personal matter. Until I heard talaga from daddy or kay Pinky, di muna ako magko-comment."
Bukod kay Edu, tatakbo rin sa 2010 elections ang ina at stepfather ni Luis na sina Batangas governor Vilma Santos at former Senator Ralph Recto. Parehong for re-election ang tatakbuhin ng mag-asawang Recto.
Maging si Luis ay nababalita ring tatakbo. Ano ang masasabi niya rito?
"Sabi ko nga, tatakbo ako sa barangay tanod!" biro niya. "But kidding aside, not yet. Maybe next election, but definitely not now kasi marami pa akong dapat gawin sa industriya. Let's see, I'll just cross the bridge when I get there. Kumbaga, hindi ko isinasara ang pinto ko sa pulitika."
Source
No comments:
Post a Comment